தமிழுக்கும் அமுதென்று பேர்

தமிழுக்கும் அமுதென்று பேர் - அந்தத்
தமிழ் இன்பத் தமிழ்எங்கள் உயிருக்கு நேர்
தமிழுக்கு நிலவென்று பேர்! - இன்பத்
தமிழ் எங்கள் சமுகத்தின் விளைவுக்கு நீர்
தமிழுக்கு மணமென்று பேர்! - இன்பத்
தமிழ் எங்கள் வாழ்வுக்கு நிருமித்த ஊர்
தமிழுக்கு மதுவென்று பேர்! - இன்பத்
தமிழ் எங்கள் உரிமைச்செம் பயிருக்கு வேர்!
தமிழ் எங்கள் இளமைக்குப் பால் - இன்பத்
தமிழ் நல்ல புகழ்மிக்க புலவர்க்கு வேல்
தமிழ் எங்கள் உயர்வுக்கு வான்! - இன்பத்
தமிழ் எங்கள் அசதிக்குச் சுடர்தந்த தேன்
தமிழ் எங்கள் அறிவுக்குத் தோள்! - இன்பத்
தமிழ் எங்கள் கவிதைக்கு வயிரத்தின் வாள்
தமிழ் எங்கள் பிறவிக்குத் தாய்! - இன்பத்
தமிழ் எங்கள் வளமிக்க உளமுற்ற தீ!

- பாவேந்தர் பாரதிதாசனார்.........

--**********நா.முத்துக்குமார்*************------------------

--**********நா.முத்துக்குமார்*************------------------






என் காதல் சொல்ல நேரம் இல்லை

உன் காதல் சொல்ல தேவை இல்லை

நம் காதல் சொல்ல வார்த்தை இல்லை

உண்மை மறைத்தாலும் மறையாதடி

உன் கையில் சேர ஏங்கவில்லை

உன் தோளில் சாய ஆசையில்லை

நீ போன பின்பு சோகம் இல்லை

என்று பொய் சொல்ல தெரியாதடி

உன் அழகாலே உன் அழகாலே

என் வெயில் காலம்,அது மழை காலம்

உன் கனவாலே உன் கனவாலே

மனம் அலை பாயும் மெல்ல குடை சாயும்

என் காதல் சொல்ல நேரம் இல்லை

உன் காதல் சொல்ல தேவை இல்லை

நம் காதல் சொல்ல வார்த்தை இல்லை

உண்மை மறைத்தாலும் மறையாதடி



காற்றோடு கை வீசி நீ பேசினால்

எந்தன் நெஞ்சோடு புயல் வீசுதே

வயதொடும் மனதோடும் சொல்லாமலே

சில எண்ணங்கள் வலை வீசுதே

காதல் வந்தாலே கண்ணோடுதான்

கள்ளத்தனம் வந்து குடி ஏறுமோ

கொஞ்சம் நடித்தேனடி

கொஞ்சம் துடித்தேனடி

இந்த விளையாட்டை ரசித்தேனடி

உன் விழியாலே உன் விழியாலே

என் வழி மாறும் கண் தடுமாறும்

அடி இது ஏதோ ஒரு புது ஏக்கம்

இது வலித்தாலும் நெஞ்சம் அதை ஏற்கும்



ஒரு வார்த்தை பேசாமல் என்னை பாரடி

உந்தன் நிமிடங்கள் நீளட்டுமே

வேறேதும் நினைக்காமல் விழி மூடடி

எந்தன் நெருக்கங்கள் தொடரட்டுமே

யாரும் பார்க்காமல் என்னை பார்கிறேன்

என்னை அறியாமல் உன்னை பார்கிறேன்

சிறு பிள்ளை என

எந்தன் இமைகள் உன் கண்களால் குதிக்கின்றதே

என் அதிகாலை என் அதிகாலை

உன் முகம் பார்த்து தினம் எழ வேண்டும்

என் அந்திமாலை என் அந்திமாலை

உன் மடி சாய்ந்து தினம் விழ வேண்டும்



என் காதல் சொல்ல நேரம் இல்லை

உன் காதல் சொல்ல தேவை இல்லை

நம் காதல் சொல்ல வார்த்தை இல்லை

உண்மை மறைத்தாலும் மறையாதடி

உன் கையில் சேர ஏங்கவில்லை

உன் தோளில் சாய ஆசையில்லை

நீ போன பின்பு சோகம் இல்லை

என்று பொய் சொல்ல தெரியாதடி ......

எங்கே? எங்கே? மனிதன் எங்கே?

அஜீத் நடித்து வெளிவர இருக்கும் படம் 'அசல்'. இப்படத்தில் அஜீத்குமாருக்காக, வைரமுத்து எழுதிய பாடல் சிவாஜி நடித்த 'புதிய பறவை' படத்தில் இடம்பெற்ற ``எங்கே நிம்மதி?'' என்ற பாடலுக்கு இணையாக, `அசல்' படத்துக்காக கவிஞர் வைரமுத்து எழுதியிருக்கிறாராம். அந்தப்பாடல் "எங்கே, எங்கே, மனிதன் எங்கே?'' எனத் தொடங்குகிறதாம்.




"எங்கே? எங்கே? மனிதன் எங்கே?

மனிதன் உடையில் மிருகம் இங்கே!

ஓநாய் உள்ளம் நரியின் கள்ளம்

ஒன்றாய்ச் சேர்ந்த உலகம் இங்கே...

வலிகளால் வந்த வரங்களால்

வாழ்க்கையில் ஞானம் கொண்டேன்...

காதல் என்றால் கண்ணில் யுத்தம்

கண்ணீர் எல்லாம் வெள்ளை ரத்தம்

உறவும் நட்பும் பிம்பம் பிம்பம்

உள்ளம் எங்கே நம்பும்? நம்பும்?

பொய்களின் கரைக்கு நடுவிலே

போகுதே வாழ்க்கை நதி!

ஜனனம் உண்மை மரணம் உண்மை!

தந்தானே-கடவுள் தந்தானே...

அந்த ரெண்டைத் தவிர எல்லாம்

பொய்யாய்ச் செய்தானே-மனிதன் செய்தானே...

காடும் மரமும்-என் காலில் புற்கள்

குன்றும் மலையும் கூழாங்கற்கள்

சாம்பலில் உயிர்க்கும் பறவை போல் சாதிக்கவே பறக்கின்றேன்..."



- இப்படிச் செல்கிறது இந்தப்பாடல். பரத்வாஜ் இசையில், வைரமுத்து எழுதிய இந்த பாடல், முதலில் பின்னணியில் மட்டும் ஒலிக்கும் பாடலாக இருந்தது. வைரமுத்துவின் யோசனைப்படி, அஜீத்குமார் வாய்விட்டு பாடும் பாடலாக மாற்றப்பட்டு இருக்கிறது.